05/06/2026 a las 08:00h.

El festival Xixón Folk, entamáu pola Banda de Gaites Saxum, vuelve güei y hasta'l prósimu domingu a la esplanada del Parque Fluvial con un programa cargáu d'actividades y una ufierta d'ociu y gastronomía pa tolos gustos.

El recintu abre esta mesma tarde a les 17 col ya avezáu mercáu tradicional y una amuesa d'oficios artesanales, amás de dellos talleres participativos de tiru con gomeru, cueru, xoyería, marionetes o güevos pintos, ente otros. Al empar va ponese n'escena l'espectáculu de títeres 'El carro de los fenómenos ambulantes (18) y un pasucais mitolóxicu cola Banda Saxum que va percorrer l'arredolada al Fluvial. L'actriz y cantante Nerea Vázquez ye la encargada de pronunciar el pregón (20) y tres d'él, el grupu folklóricu Trebeyu va empobinar un taller de baile asturianu. El pieslle musical d'esta primer xornada va ponelu una Nueche en Danza a los sones de Pandereteres de Trebeyu, Grupu Etnográficu L'Oriente-Llacín, Soi Panderetera y Los del Prau Chanu.

El sábadu repítense les actividaes del mercáu, oficios tradicionales y talleres dende pela mañana con un sesión vermú de la Bandina Los Trimendos. Pela tarde va facese un pasucais de bandes de gaites (17), siguío de les sos actuaciones (18) coles agrupaciones de Castrillón, Conceyu Llangréu, Prau Llerón, Villaviciosa 'El Gaitero' y Saxum. Tres l'animación de Los Gascones nel escenariu va tocar Dixebra, col remate de Dj La Güeriata.

La xornada del domingu 7, ufierta xunta les actividaes xenerales, l'actuación del Grupu Folklóricu L'Alegría (12.30), l'espectáculu 'El carrode los fenómenosambulantes (13.30), una sesión de tardéu folk con Carlos Velasco y Chino L'Indio (16), una exhibición de deportes rurales con 6 Conceyos (18) y un fin de fiesta col grupu Rollu Folk (19 hores).