Pa un trabayu sobre música popular n'Asturies recopilo los grandes éxitos del sieglu XX. Les canciones, por mor de les grabaciones y la radio, empezaron a tener autor y convirtiéronse en fenómenos populares. Bien d'elles, seguimos cantándoles. Formen parte de la nuestra memoria collectiva. Toes tienen autores, anque en bien de casos la SGAE nun lo sepa.

01- 'La Raitana' (Pepín de Pría): «Yo lu vi embarcarse en San Xuan de Nieva…». 02- Adiós, Rosina (Baldomero Fernández): «…adiós, clavel, que te vengo a ver…», que popularizó la cupletista Ofelia de Aragón. 03- 'Paloma blanca' (Martínez Abades): «Soi asturianina, soilo de verdá…», que cantaba La Argentinita. 04- 'El reló' (Martínez Torner): «A la una suena tan, a les dos suena tan tan, a les tres suena tan tan tan…» y asina hasta les doce. 05- 'Déxame subir al carru' (Manuel del Fresno): «…carreteru de Colunga».

06- 'Soi de Verdiciu' (Marcos del Torniellu): que canta tou quisqui. 07- 'Viva'l llugar' (Sergio Domingo): «En la mio aldea les mociquines», que nun hubo coro que nun la cantara. 08 'Macorina' (Alfonso Camín): Sí, esa que cantaba Chavela Vargas, de «ponme la mano aquí, Macorina». 09- Guantanamera (Julián Orbón): La de «Guajira, Guantanamera», que cantó hasta Pete Seeger. 10- 'Asturies del mio querer' (Falo Moro), que vendió El Presi un millón de copies.

11- 'Arboleda bien plantada' (Diamantina Rodríguez): «…siempre paez arboleda…», la tonada más soberbia. 12- 'Mocina dame un besín' (Antolín de la Fuente): «…pa guardalu hasta que vuelva…». 13- 'Asturianos emigrantes' (Remis Ovalle): Que vendió mediu millón de discos el mesmu añu de 'Obladí obladá'. 14- 'N'aveiriña do mar' (María Ostiz): Que seguimos cantando medio en gallego «N'aveira, n'aveira, n'aveira do mar…». 15- 'Coyí d'un artu una flor' (Llorienzu Novo Mier): «…y esgatuñéme les manes…», otra tonada de diez.

16- 'Covadonga' (Mely Duver): «Ven morena ven, bailemos a la gaita…», gran himnu del práu. 17- 'Pescadores' (Manuel Carrizo): un rockeru componiendo l'himnu de chigre por excelencia. 18- 'La mina y el mar' (León Delestal): «Dicen que va baxu'l mar…», que convirtió n'éxitu Pixán. 19- 'La Capitana' (Carlos Rubiera): «Si vuelvo a la mar ye pa ser capitán…», de Xixón al mundu. 20- 'Asturias' (Víctor Manuel): que val pa cerrar toles fiestes llorando en llombu del amigu.

21- 'Busindree Reel' (Hevia): Pa corredores ciclistes y exemplu pop pa tolos gaiteros. 22- 'Asturianos' (Pipo Prendes): «…que no estáis dónde el viento os vio nacer…». 23- 'Un asturiano en Madrid' (Dark la Eme): un himnu pa los asturianos pel mundu alantre. 24- 'Viento del norte' (Nando Agüeros): d'un montañés que la fizo cantar per tola cornisa cantábrica. 25 'Asturias' (Melendi): l'últimu de los himnos de la última temporada.

Y, como dicía, toes con autor.