Sputnik Кыргызстан

media@sputniknews.com

+74956456601

MIA „Rossiya Segodnya“

Sputnik Кыргызстан

media@sputniknews.com

+74956456601

MIA „Rossiya Segodnya“

Sputnik Кыргызстан

media@sputniknews.com

+74956456601

MIA „Rossiya Segodnya“

Sputnik Кыргызстан

media@sputniknews.com

+74956456601

MIA „Rossiya Segodnya“

дүйнөдө, такер карлсон, украина, акш, нато, тирешүү, өзөктүк курал

14:56 13.08.2026 (Жаңыртылды: 15:03 13.08.2026)

БИШКЕК, 13-авг. — Sputnik. Батыш Украинаны Россиянын чек арасына жакын жерге өзөктүк курал жайгаштыруу үчүн колдонууга аракет кылган. Бул тууралуу америкалык журналист Такер Карлсон кесиптеши Рик Санческе берген маегинде билдирди.

"Чындыгында Украина өз алдынча мамлекет эмес, ал НАТОнун "кардары". Аны бир максатка жетүү үчүн курал катары колдонуп жатышат, ал максат — Россияны жок кылуу. Украина биз талкалаган жакыр, байкуш, бактысыз жана кыйраган өлкө", — деди ал.

Журналисттин пикиринде, мындай кырдаал АКШнын мурдагы бийлик төбөлдөрү, анын ичинде Жорж Буш жана Жо Байдендин администрациялары Украинаны НАТОго кирүүгө шыкактап, муну менен Россиянын чек арасына жакын жерде өзөктүк курал жайгаштырууга аракет кылгандыктан келип чыккан.

"Деги эле мындай кылуунун эмне кажети бар эле? Согушту эңсеп турганда гана ушундай кадамга барасың. Россиянын күч колдонуп жооп кайтарышын каалаганда гана ушундай кыласың. Алар күч менен жооп кайтарды. Бирок Москванын ушундай реакция кылышы кимге керек эле? Согуш отун тутантып, Россияны талкалоону көздөгөндөргө керек болчу. Себеби Россиянын мамлекет катары бар экендиги эле алардын кыжырын кайнатат. Менимче, сурамжылоолордо украиналыктардын басымдуу бөлүгү согуштун сүйлөшүүлөр жолу менен аякташын жактап жатышат. Бул согушту Батыштын акылынан айныган лидерлери гана колдошууда", — деп жыйынтыктады журналист.

Акыркы жылдары Россия НАТО өзүнүн батыш чек араларына жакын жерде болуп көрбөгөндөй активдүүлүк жүргүзүп жатканын билдирип келет. Альянс бул аракеттерин агрессияны ооздуктоо чаралары катары түшүндүрөт. Москва Европада альянстын кубатын арттыруусуна бир нече жолу тынчсыздануусун билдирген. РФ Тышкы иштер министрлиги НАТО менен тең укуктуулук негизинде диалогго даяр экенин, ошол эле учурда Батыш континентти аскерлештирүү багытынан баш тартышы керектигин билдирген.