Brannvesenet har sløkt brannen i ein bil på Eidsvika i Haram.

Til politiet har eigaren av bilen forklart at vedkomande var på veg til verkstad på grunn av motorproblem, då det byrja å brenne.

– Det blei meldt om full fyr i ein bil. Brannvesenet kom raskt til staden og fekk også raskt kontroll, seier Ole Christian Slyngstad, operasjonsleiar i politiet.

Han seier vidare at ingen skal ha blitt skadde eller pusta inn røyk i samband med brannen. Saka blir etterforska.

– Det er for tidleg å seie noko om årsaka til brannen, det får den vidare etterforskinga sjå om vi kan få svar på, seier Slyngstad.

Det blir trafikkdirigering på staden fram til bilen er berga.