UNkosazana Agnes Munsaka Osanda Ukusungula Umsebenzi Wokuba Ngukhansila wakoBulawayo Uchasisa Ngohambo Lwakhe Kwezombusazwe

Дата публикации: 09-03-2025 15:29:47

WASHINGTON — Kweziphathelane labesifazana, sixoxa loNkosazana Agnes Munsaka ofungiswe ngoLwesine olwedluleyo ukuthi asungule umsebenzi wokuba ngukhansila edolobheni lakoBulawayo, kuhlandla lokunanza amathuba okuthuthukisa abesifazana ele proportional representation.
UNkosazana Munsaka, odabuka eBinga, okubandla leCCC, njalo ongumunye wabasungula ibandla leMDC ngo1999, uchasisa ngohambo lwakhe, langomsebenzi akhangelele ukuwenza njengokhansila.
Kusenjalo, eleZimbabwe lamuhla linanze ilanga lokulondoloza amalungelo abesifazana emhlabeni jikelele eleInternational Women’s Day eMunyarari Primary School eZimunya eMutare ngoLwesihlanu, lapho umphathintambo kahulumende ohola ugatsha lwabesifazana, uNkosikazi Monica Mutsvangwa akhuthaze abesifazana ukuthi bezithuthukise.
Amaphephandaba kahulumende athi uNkosikazi Mutsvangwa uthi kufanele abesifazana bangene emisebenzini efana lezokwemba lapho okulabesilisa khona njalo baqakathekise imfundo yabo leyamantombazana.
Ilanga leli, elabekwa ngumanyano weUnited Nations, linanzwa ngokusemthethweni ngoMgqibelo njalo indikimba ithi “For All Women and Girls: Rights. Equality. Empowerment,” okuyinjongo yokukhuphula amalungelo abesifazana lamantombazana, ukulinganisa amathuba, lokuthuthukisa impilo zabo.
Siphinde saxoxa loNkosazana Munsaka, yena othi iproportional representation ngelinye inyathelo elimqoka ekuthuthukiseni amathuba abesifazana.
 

Основное содержимое страницы с новостью.

Схожие новости

#	Наименование новости	Тональность	Информативность	Дата публикации
1	Inhlanganiso Ezilwela Amalungelo amaVendors Zikhuthaza Abathengisayo Ezitaladini Ukuthi Bebhalise Ukuze Basebenze Ngokusemthethweni	0	9.48	04-03-2025
2	Abaphathintambo beSADC Bacubungula Indlela Zokufeza Izinqumo Zentuthuko Emazweni Abo	0	8.64	12-03-2025
3	Inengi Lilokhe Likhala Ngengcekeza Ememethekiswa Yikuna Kwezulu Elinengi Ikakhulu Emadolobheni	0	9.42	20-02-2025
4	SME's Advisory Council: Sixoxisana Lohulumende Ngokuthi Kuvulwe Amabhizimusi Avalwe koBulawayo Kusahlolisiswa Udaba Lwemithelo	0	7.03	11-03-2025
5	UMkhululi Jele weMRP Ukhalaza Ukuthi Lesulwe Icala Aletheswayo Kudaba Lwabantwana Besikolo Abenqaba Ukufunda iHeritage Studies ePlumtree	0	7.55	25-02-2025
6	Sixoxa loMnu. Mqondisi Moyo weMRP loMnu. Innocent Ndibali weEFF-Zimbabwe Ngembono Yamabandla Abo ngeZimbabwe leAfrica Jikelele	0	8.09	02-03-2025
7	I-ZIMPARKS Ikhalaza Ukuthi Uhulumende Engavumeli Inhlelo Zokwemba eSinamatela eHwange Ngoba Kulomthelela Omubi Kwezemvelo Lakwezamasiko	0	9.5	06-03-2025
8	UMkhululi Jele weMthwakazi Republic Party Ukhululwe Ejele Ngemali Yesibambiso eyeBail Ngumantshi wePlumtree	0	8.24	05-03-2025
9	"Vumelani Abantwana Asebekhulile Ukuthi Besebenzise amaContraceptives Nxa Sebevele Besiya Emacansini," Kuxwayisa Ilunga Lephalamende	0	9.7	26-01-2025
10	Kusungulwa Umhlangano Wokuthuthukisa Inhlelo Zamagetsi, owe10th Powering Africa Summit Ophakathi kweMelika Lamazwe eAfrica	0	9.01	05-03-2025

Классификация: . Схожих патентов: 0. Схожих новостей: 10. Тональность: 0. Информативность: 7.7. Источник: www.voandebele.com.