Ընդդիմադիր «Մայր Հայաստան» կուսակցության կալանավորված անդամ, նախկին պատգամավոր Արեգնազ Մանուկյանին տեղափոխել են Քննչական կոմիտե, որտեղ հայտարարվելու է նրա գործի նախաքննության ավարտը:

Շուրջ մեկ ամիս է՝ պաշտպանական կողմը փորձում է Մանուկյանի կալանքի հարցը բողոքարկել Վերաքննիչ դատարանում, սակայն գործի քննությունը շարունակ ձգձգվում է: Սողոյանը երեկ «Ազատության» հետ զրույցում չէր բացառել, որ Վերաքննիչ դատարանում կալանքի փոփոխման հարցի քննությունը միտումնավոր է ձգձգվում, որպեսզի մինչ այդ ավարտվի Արեգնազ Մանուկյանի գործի նախաքննությունը և այդ ժամանակ արդեն խափանման միջոցի հարցի քննությունը կփոխանցվի բուն գործը քննող առաջին ատյանի դատավորին: