Просмотр новости
Найдите то, что Вас интересует
Спутники
РН
SpaceX
Роскосмос
NASA
Ingxoxompikiswano Yokhetho Lukamongameli Iveza Umahluko Omkhulu Phakathi kukaTrump loHarris, Kutsho Ingcwethi
Дата публикации: 11-09-2024 14:55:52
WASHINGTON DC — Ozamela ibandla leRepublican Party kukhetho lokudinga umongameli weleMelika uMnu Donald Trump, uphikisane lozamela ibandla leDemocratic Party kulolukhetho, uNkosikazi Kamala Harris, ngoLwesibili phezu kwendaba ezifana lamalungelo abomama abazithweleyo, imingcele yelizwe kanye lobudlelwano lamanye amazwe.
Ababili laba abakade bekungxoxompikiswano ebikhokhelwa ngabezindaba abe-ABC News bebesendaweni engela balaleli njalo kungokwakuqala ukuhlangana. Ingxoxompikiswano le ibukelwe yizigidi lezigidi zabavoti beleMelika.
Umsekeli kamongameli uNkosikazi Kamala Harris ukhulume labavoti laba njalo waphendula ukuhlaselwa abekwenziwa ngowayegumongameli uMnu Donald Trump, eveza umahluko okhona phakathi kwakhe loMongameli Joe Biden kulandela ukuphuma kwakhe kulumncintiswano.
“Kusegcekeni ukuthi angisuye Joe Biden, njalo angisuye Donald Trump. Engiza lakho yibukhokheli obutsha belizwe lethu. Ubukhokheli obuletha ithemba hatshi ukuhlukuluza izizalwane zeleMelika,” kutsho uNkosikazi Harris.
UTrump wethesa uHarris, umlandu wokuzama ukuthokozisa wonke umuntu osekubangele ukwanda kwabangelamaphepha abangena eMelika.
“Sebebhidlize ilizwe lethu. Izigidi lezigidi zabantu ziyangena mahlayana elizweni zingela maphepha,” kutsho uTrump
UTrump, engela bufakazi, uthe ukuhlasela kweRussia eUkraine kanye lempi eseGaza kungumlandu ka Harris.
“Uyayizonda i-Israel. Ngasikhathi sinye, uzonda abohlobo lwesi-Arab ngoba indawo yonke le izabhidlizwa – ama-Arab, amaJudha, i-Israel. I-Israel izatshabalala.”
UTrump, yena bekungokwesikhombisa engena kungxoxompikiswano yokhetho lukamongameli. Njalo UHarris ubengena okwakuqala.
Uthe ozamela ibandla leRepublican Party akalungelanga ukuba ngumongameli njalo abakhokheli bamazwe omhlaba bavumelana lalokhu ngaphandle kwabontandokayiphikiswa abathandwa nguTrump.
“Uhlonipha abalamandla kulokuthi uqakathekise ubukhokheli bentando kazulu,” kutsho uHarris.
Abalandeli bakaTrump abagoqela okucongress uMnu Byron Donalds oweFlorida, bathi uHarris wehluleka ukuchaza azakwenza engaba ngumongameli.
“UKamala Harris, ubephongukuhlasela uTrump kuphela. Kazange aphe imibono yakhe. Kavezanga ukuthi ubukhokheli bakhe buzatshiyana ngaphi lobukaBiden. Kudaba lwe-Afghanistan kuyini akukhulumileyo? Ubewumana nje kuphela,” kutsho uMnu Donalds.
Abavoti abanengi abaphatheka kucwaningo olwaqhutshwa kumelelwe lingxoxompikiswano bathi uTrump bayamazi ngakho bebedinga ukwazi uHarris.
OkuCongress owebandla leDemocratic Party ovela eCalifornia uMnu Ted Lieu uthi ingxoxompikiswano le iveze ukutshiyana kwababili laba.
“UKamala Harris ubeziphethe njengomongameli. UDonald Trump ubengazwakali njalo inkulumo zakhe bezingahlangani.”
Nxa uTrump loHarris bengasoze bahlangane njalo kweyinye ingxoxompikiswano kungakaqhutshwa ukhetho, leli bekulithuba labo elokuthi bakhankasele usekelo kubavoti abakade bengakathathi icele kukhetho lukamongameli weleMelika.
Основное содержимое страницы с новостью.
WASHINGTON DC —
Ozamela ibandla leRepublican Party kukhetho lokudinga umongameli weleMelika uMnu Donald Trump, uphikisane lozamela ibandla leDemocratic Party kulolukhetho, uNkosikazi Kamala Harris, ngoLwesibili phezu kwendaba ezifana lamalungelo abomama abazithweleyo, imingcele yelizwe kanye lobudlelwano lamanye amazwe.
Ababili laba abakade bekungxoxompikiswano ebikhokhelwa ngabezindaba abe-ABC News bebesendaweni engela balaleli njalo kungokwakuqala ukuhlangana. Ingxoxompikiswano le ibukelwe yizigidi lezigidi zabavoti beleMelika.
Umsekeli kamongameli uNkosikazi Kamala Harris ukhulume labavoti laba njalo waphendula ukuhlaselwa abekwenziwa ngowayegumongameli uMnu Donald Trump, eveza umahluko okhona phakathi kwakhe loMongameli Joe Biden kulandela ukuphuma kwakhe kulumncintiswano.
“Kusegcekeni ukuthi angisuye Joe Biden, njalo angisuye Donald Trump. Engiza lakho yibukhokheli obutsha belizwe lethu. Ubukhokheli obuletha ithemba hatshi ukuhlukuluza izizalwane zeleMelika,” kutsho uNkosikazi Harris.
UTrump wethesa uHarris, umlandu wokuzama ukuthokozisa wonke umuntu osekubangele ukwanda kwabangelamaphepha abangena eMelika.
“Sebebhidlize ilizwe lethu. Izigidi lezigidi zabantu ziyangena mahlayana elizweni zingela maphepha,” kutsho uTrump
UTrump, engela bufakazi, uthe ukuhlasela kweRussia eUkraine kanye lempi eseGaza kungumlandu ka Harris.
“Uyayizonda i-Israel. Ngasikhathi sinye, uzonda abohlobo lwesi-Arab ngoba indawo yonke le izabhidlizwa – ama-Arab, amaJudha, i-Israel. I-Israel izatshabalala.”
UTrump, yena bekungokwesikhombisa engena kungxoxompikiswano yokhetho lukamongameli. Njalo UHarris ubengena okwakuqala.
Uthe ozamela ibandla leRepublican Party akalungelanga ukuba ngumongameli njalo abakhokheli bamazwe omhlaba bavumelana lalokhu ngaphandle kwabontandokayiphikiswa abathandwa nguTrump.
“Uhlonipha abalamandla kulokuthi uqakathekise ubukhokheli bentando kazulu,” kutsho uHarris.
Abalandeli bakaTrump abagoqela okucongress uMnu Byron Donalds oweFlorida, bathi uHarris wehluleka ukuchaza azakwenza engaba ngumongameli.
“UKamala Harris, ubephongukuhlasela uTrump kuphela. Kazange aphe imibono yakhe. Kavezanga ukuthi ubukhokheli bakhe buzatshiyana ngaphi lobukaBiden. Kudaba lwe-Afghanistan kuyini akukhulumileyo? Ubewumana nje kuphela,” kutsho uMnu Donalds.
Abavoti abanengi abaphatheka kucwaningo olwaqhutshwa kumelelwe lingxoxompikiswano bathi uTrump bayamazi ngakho bebedinga ukwazi uHarris.
OkuCongress owebandla leDemocratic Party ovela eCalifornia uMnu Ted Lieu uthi ingxoxompikiswano le iveze ukutshiyana kwababili laba.
“UKamala Harris ubeziphethe njengomongameli. UDonald Trump ubengazwakali njalo inkulumo zakhe bezingahlangani.”
Nxa uTrump loHarris bengasoze bahlangane njalo kweyinye ingxoxompikiswano kungakaqhutshwa ukhetho, leli bekulithuba labo elokuthi bakhankasele usekelo kubavoti abakade bengakathathi icele kukhetho lukamongameli weleMelika.
This item is part of
Схожие новости
| # | Наименование новости | Тональность | Информативность | Дата публикации |
|---|---|---|---|---|
| 1 | UHarris loTrump Bazadibana Kungxoxompikiswano ngoLwesibili | 0 | 5.89 | 10-09-2024 |
| 2 | UTrump loHarris Balungiselela Ingxoxo- mpikiswano | 0 | 8.61 | 04-09-2024 |
| 3 | UHarris loTrump Baphikisana Ngemithetho Ezalawula Ingxoxo-mpikiswano Ezaqhutshwa Kunyanga Ezayo eMelika | 0 | 16.53 | 27-08-2024 |
| 4 | UTrump loHarris Bazangqikilana Kungxoxompikiswano ngoLwesibili | 0 | 8.91 | 09-09-2024 |
| 5 | Amabandla Ezombusazwe eMelika Athi Ukhetho Kumele Luphathwe Kuhle | 0 | 7.35 | 03-09-2024 |
| 6 | Abasekeli Babancintisa Kukhetho Badibana Kungxoxompikiswano | 0 | 6.86 | 01-10-2024 |
| 7 | Kuyini Okungafundwa Ngabantu beZimbabwe Ngokhetho lweMelika Oluzaqhutshwa Lonyaka? | 0 | 6.53 | 20-10-2024 |
| 8 | Imikhankaso kaTrump loHarris Idinga Usekelo Esigabeni seGeorgia | 0 | 7.9 | 30-08-2024 |
| 9 | UMnu Trump loNkosikazi Harris Bakhankasa Ezigabeni Ezimqoka Kukhetho Lwalonyaka eMelika | 0 | 8.16 | 26-08-2024 |
| 10 | Iyaqhubeka Imikhankaso Yokhetho Lukamongameli weMelika Endaweni Ezitshiyeneyo | 0 | 7.97 | 18-09-2024 |
Классификация: Международные. Схожих патентов: 0. Схожих новостей: 10. Тональность: 0. Информативность: 8.06. Источник: www.voandebele.com.