Ein mann i 20-åra frå Sunnmøre er tiltalt for 21 tilfelle av bedrageri. Ifølge tiltalen skal mannen ha lurt dei fornærma til å betale for varer, for eksempel ei datamaskin eller ein PlayStation, som han ikkje hadde tenkt å levere.

Han skal også ha lurt nokre av dei fornærma til å låne han pengar, som han ikkje skal ha hatt planar om å betale tilbake.

Mannen er også tiltalt for å ha lurt personar til å vipse pengar til mora hans. Ho skal så ha sendt pengane vidare til han. Dette førte til at ho skal ha blitt kontakta av personar som ville ha pengane sine tilbake, står det i tiltalen. Han skal også ha oppført mora som garantist på låneopptak utan at ho viste om det.

Saka skal opp i Sunnmøre tingrett i januar.