18/09/2026 a las 18:17h.

Jakinarazi berri zaigu, 45. Lizardi Sariaren epaimahaiak saria eman gabe uztea erabaki duela. Joan den asteazkena, irailaren 16an bildu ziren Yolanda Arrietak, Nerea Loiolak eta Amaia Mariezkurrenak osatutako epaimahaia Sanz Enea kultur etxean, eta aurkeztutako 21 lanak aztertu ondoren hartu du erabakia.

Epaimahaiaren aburuz, «2026ko Lizardi Sarietara aurkeztutako testu batzuk haur literaturarako pasarte eta jolas interesgarriak proposatu badituzte ere, bere horretan eta azken orrazketarik gabe, ez dute saria jasotzeko adina berme eskaintzen».

Aurtengo edizioan, haur literatura saritzea zen helburua, hain zuzen ere, 7-12 urte arteko irakurleei zuzendutakoa. Iazko edizioa ere, gazte literaturari zegokiona, irabazlerik gabe uztea erabaki zuen epaimahaiak, sariketak urteetan izandako mailari eusteko beharrezko kalitaterik ez zuelako.

Horrenbestez, aurten ez da ohiko sari-banaketa ekitaldirik izango.