17/09/2026 a las 13:06h.

Badator ikasturte berria eta Mollarri judo klubak ateak zabalduko ditu beste urte batez, judoa nahi duten herritarrei lehen eskutik probatzeko aukera emanez. Mollarri judo kluba, elkarte gaztea izanagatik, 2021ean sortua, talde zabal eta esperientziadun batek osatzen du. Urte horretan, judoan ibilbide luzeko eta herrian sortutako kirolari beterano talde bat elkartu zen eta judoari Zarautzen idarra emateko elkarte baten beharra ikusi zuten. Horrela, elkartea sortu eta judoa sustatzen hasi ziren, lehenik gazte eta helduentzat judo entrenamentuak eskainiz Aritzbatalde kiroldegian, eta geroago ikastetxe ezberdinetan ekintza gisara praktikatzeko aukera emanez, horrela adin guztietako kirolariei aukera emanez judoa praktikatzeko.

Urtez urte hazten joan da elkartea, ekintza desberdinak antolatuz eta kirol ekitaldietan parte hartuz, 2025/2026 denboraldia 100 ikasle ingururekin amaitu zuten eta datorren denboraldiari begira zenbaki hau handitzea espero dute.

Datorren urterako, judoa sustatzen jarraitzea eta guztientzat irisgarri izatea gustatuko litzaieke, eta horretarako lehen urratsa,iraileko azken bi asteetan ate irekiak egitea izango da. 5 urtetatik hasi eta adin mugarik gabe judoa probatu, praktikatu edo besterik gabe hobeto ezagutu nahi duen jendearentzat. Saioak astearte eta ostegunetan izango dira gaztetxoenentzat 17:00etan eta helduagoentzat 19:00etan. Saio hauetara etortzeko beharrezkoa izango da izena ematea mollarrijudo@gmail.com helbidean.