آخر فقرة ٤ اسطور اتفق معاها بشكل كبير.
جمهور الصياح كثير
الان لو تدخل X بتشوف " ظاهرة صوتية " مثلا واحد يجيك يصيح على ويكتب مرثية على الفيزكل ويقول بتحرمونا من هذا الجمال، والصورة اللي مصورها فيها كولكشن فيزكل بائس من بداية جيل PS4 مع لعبتين PS3 بالغلط حاطهم علشان يكبر الكولكشن.
مقطع فيديو واحد معصب ومسوي Rant فجأة يطلع اقرب كولكشن.. عبارة عن خمس العاب كلها قديمة ومن بينهم حرفيًا Radfall.

يعني فيه ناس تصيح وماهو قادر يستعرض لعبة على الاقل من اخر سنة او سنتين هذا يدل على ان البعض راقد وما قام يصيح الا مع الخبر وركوب الموجة وهذا هو ديدن بعض اللاعبين النايمين.

اي شي قاعد يصير هو حصاد اللاعبين نفسهم وسلوكياتهم، الغارقين في النوستالجيا واللي يجمعون العاب قديمة مالهم تأثير.
طبعًا ما ننسى الهبستر اللي طبعوا فكرة " محاربة الالعاب الكبيرة" لعيون العاب الاندي المبكسلة الرقمية هم اللي عزلوا نفسهم عن السوق من بدري حتى لما تنزل نسخة فيزكل بتنزل كشي فاخر فقط.

القرارات هذي ما جات من العدم.
والحين يبغون الشركات تتراجع علشان عاطفته وذكرياته. الأرقام لا تكذب.

اقول ذا الكلام ماهو تبرير للشركة، بالعكس سوق المستعمل مهم خصوصا في بعض الاسواق اللي ما عندهم وصول جيد للانترنت، ترا لنا اخوان حتى في دول عربية وعندهم محلات العاب قائمة على الفيزكل، صعب تغير سلوك الشراء في مثل هذي الدول. البنية التحتية والانترنت، بيكون هذا اعدام كامل للهواية، عارف ان هذي الاسواق يمكن مالها تاثير على ارقام سوني، بس راح تكون فيه طبقية في الوصول للالعاب.

هذا يعني بالنسبة لي ان سوني قاعدة تشوف السوق من منظور ضيق جدا.. من منظور المستهلك اللي عنده نت قوي وما عنده مشكلة يحمل 150 جيجا GTA6 من اليوم الاول.

هذي بالنسبة لي مو سوني اللي اعرفها، سوني سابقا كان عندها مبادرات ومحاولات في الوصول العالمي خصوصا الاسواق النامية
من يذكر سوني لما كانت تسوي نسخ Greatest hits و platinum و essential بسعر مخفض لالعابها؟
سوني كانت تعيد طباعة الاقراص بسعر ما يتجاوز ٢٠ دولار من اهم العابها، هذي النسخ نشوفها في اسواق مهمة وبرضه في دول عربية وفي الارجنتين والبرازيل ودول جنوب شرق آسيا.

بس اكيد ابو كرفتة ما يفكر كذا، واللاعب العاطفي الغارق في النوستالجيا.. استسلم خلاص. thats it.. انتهى جيلك ياخي استوعب.

لا تصير زي اللي يهزأ الجيل الجديد علشانهم ما يحبون مايكل جاكسون " هذا انا ".. خلاص روح موت انت والكاسيت الاصلي حق thriller الوحيد اللي محتفظ فيه.