Iturrama Bigarren Hezkuntzako Institutuan  Migratzaile eta Errefuxiatuekin Aste Solidarioa antolatu dute. Hori dela kausa, ikastetxetik egin dugu goizeko magazina zuzenean. Bertako ikasle, irakasle eta eragile sozialak izan ditugu bidelagun.

 Olaia Oneka, "Iturrama berdea" proiektuko koordinatzailea, Arantxa Irisarri ikastetxeko zuzendaria eta Oskia Ramírez "Iturrama migratzaile eta errefuxiatuekin" proiektuko koordinatzailea izan dira gure lehenengo solaskideak. 

Ganix, Xabier Lopez, Nahia, Haizea eta Xabier Maeztu  ikasleak  eta Oskia Ramirez irakaslearekin mintzatu gara migratzaileen proiektuaren esperientzia desberdinez. 

Maite Ziganda Sei elkarteko kidea, Petra Bisa eta Alaia Etaiorekin Inside Out proiektuaz aritu gara. 

Zaporeak elkarteko Oraitz Garziak azaldu digu zer den duela hiru urte Greziara iristen ari diren migratzaileekin egiten ari direna. 

Tomas Astiz eta Yanira Etxabarri irakasleek azaldu digute zer den ipuin solidarioen ekimena. 

Ane Goikoetxea, Grezian errefuxiatuak laguntzen ibilitako ikasle gaztea eta Jone Usoz, irakaslea eta Puente solidario Sahararekiko elkartasun taldeko kidea.