Asteazkenero legez, legebiltzarkideak gurean. Parlamentarien solasaldian, Espainiako Konstituzioaren 155. artikulua eta AHT mintzagai hiru lagunekin: Geroa Baiko Jokin Castiella, EH Bilduko Bakartxo Ruiz eta Ahal Dugu-Podemos alderdiko Ainhoa Aznarez parlamentuko presidentea. Ibon Iparragirre, espetxean gaixo eta oso larri dagoen euskal presoaren egoeraren berri eman digu Asier Gartzia kazetariak. Santiago Alba Rico filosofoa atzo Iruñean izan zen. Bere hitzaldian, Xabier Agirre filosofoa izan zuen aurkezle. Pentsalari espainiar honen ibilbideaz mintzatu gara Girgillaoko filosofoarekin. Gure Metropoli Foraleko azken lau hamarkadetako gertaera hainbat berriz ere gogoratzeko aukera izanen dugu, Iruñeko azken 40 urteotako historiaren errepasoa egiteko parada izanen dugu gaurtik aurrera, Ivan Gimenez kazetariaren eskutik hasi dugun serie bereziaren bitartez.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.

Bazkidetu zaitez!