Lotinchada Бугун, 14:20   Жамият  

Наврўз ва Рамазон ҳайити байрамлари муносабати билан Самарқанд — Тошкент — Самарқанд йўналишида қўшимча «Афросиёб» электропоезди ҳаракати йўлга қўйилади, дея хабар бермоқда «Темирйўлэкспресс» компанияси матбуот хизмати.

Қўшимча қатновлар 20, 21, 22, 23, 24, 25, 29, 30, 31 март ва 1 апрель кунлари ҳаракатланади. Уларнинг жадвали қуйидагича:

• 775-сонли Самарқанд — Тошкент йўналиши: Самарқанд 10:55 — Тошкент 13:15;
• 776-сонли Тошкент — Самарқанд йўналиши: Тошкент 13:56 — Самарқанд 16:14.

1 февралдан бошлаб «Афросиёб» эконом-класс чипталари — 20 фоизга, ВИП ва бизнес-класс чипталари — 25 фоизга кўтарилган.

Маълумот ўрнида, 2025 йилда Рамазон ҳайити 31 март куни нишонланиши мумкин. Янги ойнинг кўринишига боғлиқ равишда бу сана бир кунга ўзгариши эътимоли ҳам йўқ эмас.

Эслатиб ўтамиз, ҳафтасига 5 кун ишловчи ўзбекистонликлар Наврўз байрами муносабати билан кетма-кет 3 кун — 21, 22 ва 23 март кунларида дам олади. 6 кун ишлайдиганлар эса 22 мартда ишлайди.