ე.წ. პროკურატურის ცნობით, რესპუბლიკურ კლინიკაში გადაყვანილმა პატიმარმა სამედიცინო დაწესებულების ტრავმატოლოგიური განყოფილების პალატა, სადაც ის სამკურნალოდ იმყოფებოდა, თვითნებურად დატოვა. ინციდენტი 14 აგვისტოს, 00:00-დან 04:00 საათამდე პერიოდში მოხდა.

მომხდარზე აღძრულია სისხლის სამართლის საქმე და მიმდინარეობს ოპერატიულ-სამძებრო ღონისძიებები გუმბას ძებნისა და დაკავების მიზნით.

გარდა ამისა, სამსახურებრივი მოვალეობის შესაძლო არაჯეროვნად შესრულების ფაქტზე დაიწყო შემოწმება ე.წ. შინაგან საქმეთა სამინისტროს იმ თანამშრომლების მიმართ, რომლებიც მსჯავრდებულის დაცვას ახორციელებდნენ.