Zuzendaria: Kitty Green

Urtea: 2019

Herrialdea: AEB

Iraupena: 87

Generoa: Drama

Me Too mugimenduari buruzko behin betiko thrillerra izendatu zuten askok Kitty Green zinemagileak 2019an estreinatutako The Assistant. Harvey Weinsteinen figura salatzeko asmoz, zinema ekoiztetxe batean lehen urratsak ematen hasi den ekoizle-laguntzaile baten istorioa kontatuko du filmak.

Jane unibertsitatetik irten berri den gazte bat da, entretenimenduaren industriako exekutibo boteretsu batentzat lan egiteko aukera suertatuko zaiona. Kafea prestatu, fotokopiak atera, bazkaria antolatu, bidaiak prestatu, telefono bidezko mezuak jaso etab. Horiek bere eginbeharrekoak. Eguneroko errutinan murgildu ahala enpresabururen jarrera maltzur eta gehiegizkoez jabetuko da, eta erabaki bat hartuko du, sistemaren benetako funtzionamendua barru-barrutik ezagutzeko.

Emakumezkoek industrian pairatzen dituzten jokabide amoral eta iraingarriak naturaltzat nola hartzen diren erakutsiko du The Assistant lanak; ekosistema horren korrontearen kontra arraun egiten dutenei ahotsa eman nahi die.

2020 | Independent Spirit Award sariak: Haugaia gidoi berri, emakumezko aktore eta argazki-zuzendaritza onenaren kategorietan

2020 | Boston Society of Film Critics: Hautagaia emakumezko aktore onenaren kategorian

2020 | Gotham Awards: Hautagaia film onenaren kategorian

FILMIN plataforman duzue ikusgai!