01/09/2026 Actualizado a las 21:32h.

Urnietako udalerrian erroldatuta dauden eta euskarazko ikastaroetan matrikulatuta dauden ikasleentzat dirulaguntzak eskaintzen ditu Urnietako Udalak. Dirulaguntzaren eskaera egiteko epea irekita dago urriak 16 arte.

Euskaltegiak ikastaroa amaitutakoan egindako ziurtagiria aurkeztu beharko da. Ziurtagiri horrek ondorengo informazioa jaso beharko du: ikasleak izandako asistentzia, ordaindutako matrikula, hasierako eta bukaerako maila, eta ikasleari HABEren dirulaguntza dagokion ala ez. Era berean, dirulaguntza eskatu duen pertsonak egiaztagiri egokia aurkeztu beharko du, euskaltegiko matrikularen zenbatekoa berak pertsonalki ordaindu duela frogatzeko.

Bestalde, HABE-k ere eskaintzen du beste dirulaguntza lerro bat. 2026ko abuztuaren 1etik urriaren 31ra bitartean maila gainditu edo egiaztatu duten ikasleentzat. Gainera, lehen txandan eskaria egiterik izan ez duten pertsonek aukera izango dute dirulaguntza-eskaria egiteko, betiere, 2025eko uztailaren 1etik 2026ko uztailaren 31 bitartean gainditu edota egiaztatu badute maila.

Dirulaguntza honetan eskaera egiteko epea irailaren 1etik azaroaren 3ra bitartekoa izango da.