https://sputnik.tj/20260928/rahmon-tavlidi-barq-vmkb-afzoish-1080769958.html

Раҳмон: Тавлиди барқ дар ВМКБ дар зарфи 35 сол беш аз 7 баробар афзоиш ёфтааст

Раҳмон: Тавлиди барқ дар ВМКБ дар зарфи 35 сол беш аз 7 баробар афзоиш ёфтааст

Sputnik Тоҷикистон

Раисҷумҳури Тоҷкистон қайд кард, ки агар дар солҳои аввали соҳибистиқлолӣ ҳамагӣ 13% фоизи аҳолии ВМКБ бо неруи барқ таъмин буд имрӯз аҳолии вилоят бо неруи барқи босифат ва шабонарӯзӣ таъминанд

2026-09-28T14:33+0500

2026-09-28T14:33+0500

2026-09-28T14:33+0500

дар тоҷикистон

вмкб

энергетика

барқ

истеҳсол

эмомалӣ раҳмон

https://cdnn1.img.sputnik.tj/img/07ea/09/1c/1080767429_0:0:2048:1153_1920x0_80_0_0_ffe41b7cf041a6fa2221edf296d58fa8.jpg

ДУШАНБЕ, 28 сен - Sputnik. Раисҷумҳури Тоҷикистон Эмомалӣ раҳмон дар мулоқот бо роҳбарону фаъолони Вилояти Мухтори Кӯҳистони Бадахшон (ВМКБ) гуфт, ки дар солҳои соҳибистиқлолӣ барои рушди соҳаи энергетикаи вилоят ҳукумат беш аз 3,4 миллиард сомонӣ маблағ масраф кардааст.“Дар ин давра 134 лоиҳаи муҳимми сармоягузории давлатӣ ба маблағи умумии 2,3 миллиард сомонӣ амалӣ гардида, татбиқи 16 лоиҳаи дигари энергетикӣ ба маблағи умумии 400 миллион сомонӣ идома дорад”, - гуфт ӯ.Раҳбари кишвар таъкид кард, ки дар солҳои аввали соҳибистиқлолӣ ҳамагӣ 13% аҳолии вилоят бо неруи барқ ва он ҳам танҳо то 12 соат дар як шабонарӯз таъмин буд, вале имрӯз аксари мутлақи аҳолии вилоят бо неруи барқи босифат ва шабонарӯзӣ таъмин мебошад.Эмомалӣ Раҳмон зикр кард, ки бо ташаббуси Ҳукумат нахустин неругоҳи бузурги даврони соҳибистиқлолӣ – "Помир – 1" бунёд гардида, баъдан даҳҳо неругоҳи хурду миёнаи барқи обӣ, неругоҳҳои офтобӣ, хатҳои интиқоли барқ ва зеристгоҳҳои муосир сохта, ба истифода дода шуданд.Вай афзуд, таъсиси ширкати "Помир Энерҷӣ" ҳамчун нахустин таҷрибаи шарикии давлат ва бахши хусусӣ дар соҳаи энергетика ба ҷалби сармояи хусусӣ мусоидат намуд.Вай қайд кард, ки дар даврони соҳибистиқлолӣ дар вилоят 61 мегаватт иқтидорҳои нави истеҳсоли неруи барқ бунёд гардида, 14 мегаватт иқтидорҳои амалкунанда таҷдиду азнавсозӣ карда шуданд.Вай илова кард, ки дар ин давра ҳамзамон, 227 километр хатҳои интиқоли барқ, 560 километр шабакаҳои нави барқӣ ва як қатор зеристгоҳҳои муосир сохта, ба истифода дода шуданд.Эмомалӣ Раҳмон зикр кард, ки имрӯз тамоми иқтидорҳои истеҳсоли неруи барқи вилоят аз ҳисоби манбаъҳои барқароршавандаи энергия таъмин гардида, ВМКБ ба яке аз минтақаҳои пешсафи истифодаи "энергияи сабз" дар мамлакат табдил ёфтааст.Вай афзуд, ки р солҳои охир неругоҳҳои нави барқи обӣ ва офтобӣ дар ноҳияҳои Мурғоб, Шуғнон, Дарвоз ва Рӯшон ба истифода дода шуда, неругоҳи барқи обии "Себзор" низ ба фаъолият оғоз намуд.Кишвардори Тоҷикистон таъкид кард, ки бо вуҷуди ин, имкониятҳои гидроэнергетикӣ ва дигар манбаъҳои барқароршавандаи энергия ҳанӯз пурра истифода нашудаанд.Вай ба вазорати энергетика ва захираҳои об, ширкати "Помир Энерҷӣ", мақомоти вилоят ва шаҳру ноҳияҳои барои суръат бахшидан ба бунёди иқтидорҳои нави энергетикӣ, таҷдиди шабакаҳои барқӣ ва истифодаи васеи манбаъҳои барқароршавандаи энергия дастур дод.Ҳамчунин Эмомалӣ Раҳмон супориш дод, ки масъалаи ҳарчи зудтар бо неруи барқи доимӣ таъмин намудани ҳамаи деҳаҳои боқимонда ҳаллу фасл карда шавад.

https://sputnik.tj/20251223/vazorati-energetika-talabot-nerui-barq-afzoish-1074043735.html

https://sputnik.tj/20260823/rahmon-charkhai-nerugoh-roghun-istifoda-1079861805.html

вмкб

2026

Хабарҳо

tg_TJ

https://cdnn1.img.sputnik.tj/img/07ea/09/1c/1080767429_159:0:1979:1365_1920x0_80_0_0_0e9ad7f65882fa2d44461587bfd67432.jpg

дар тоҷикистон, вмкб, энергетика, барқ, истеҳсол, эмомалӣ раҳмон

Раисҷумҳури Тоҷкистон қайд кард, ки агар дар солҳои аввали соҳибистиқлолӣ ҳамагӣ 13% фоизи аҳолии ВМКБ бо неруи барқ таъмин буд имрӯз аҳолии вилоят бо неруи барқи босифат ва шабонарӯзӣ таъминанд