26/09/2026 Actualizado a las 11:52h.

Getariako Txakolina Jatorri Deiturak bukatutzat eman du ofizialki 2026ko uztaren mahats-bilketa kanpaina. Abuztu amaieran hasi eta iraileko azken astean bukatu da bilketa, erabateko bikaintasuneko balantzearekin ixten da, bai bildutako mahatsaren bolumenari dagokionez, bai bildutako mahatsaren kalitate sanitarioari dagokionez.

Kontseilu Arautzailearen lehen datuen arabera, 5.500.000 eta 6.000.000 kilo mahats artean bildu dira eta, ondorioz, kanpaina hau Jatorri Deituraren historiako zabalena bihurtuko da.

Denboraldian zehar bizi izandako egonkortasun meteorologikoa, jardunaldi lehor eta oskarbiek ezaugarritua, mahats autoktonoak (Hondarrabi Zuri eta Hondarrabi Beltza) osasun-egoera ezin hobean bildu ahal izatea ahalbidetu du. Hori dela eta, graduazio natural ona izango duen txakolin-uzta aurreikusten da, zonaldearen izaera atlantiko adierazgarriarekin.

Bilketa lanak modu mailakatuan egin dira Jatorri Deituraren eremu geografikoko udalerrietan, lursail bakoitzaren heltze-puntu egokira egokituz.

Getariako Txakolina Jatorri Deiturak ibilbide sendoa du kalitateko mahastizaintza atlantikoan. Gipuzkoako eremu geografikoan, Jatorri Deiturak 480 hektarea mahasti ditu inskribatuta, eta 32 upeltegi elaboratzaile kostaldeko eta barnealdeko udalerrietan banatuta. Upeltegi horien % 80 inguruk modu integralean lantzen dituzte beren mahastiak, eta zuzenean betetzen dute ziklo osoa, hasi laborantzatik eta bilketatik eta elaborazio eta merkaturatzeraino.

Tipikotasuna, barietate autoktonoak; Getariako Txakolinaren nortasuna bertako barietateetan datza. Hondarrabi Zuri da protagonista nagusia, eta Gipuzkoako mahastien azaleraren % 85 inguru hartzen du, Hondarrabi Beltzak jarraitzen dio % 10ekin eta beste % 5 araudiak baimendutako beste barietate zuri batzuek (Chardonnay, Riesling, Gros Manseng edo Petit Courbu).

Nahi etaTxakolin zuriak ekoizpen osoaren % 90 hartu, eta gorriak, berriz, % 10, upeltegien eskaintza handitu egiten da, elaborazio bereziak eskainiz, ardo beltzak, apardunak eta mahats-bilketa berantiarreko ardoak barne.

Bermea, ziurtapena eta trazabilitatea; Kalitate gorena ziurtatzeko eta produktuaren benetakotasuna kontsumitzailearen aurrean babesteko, Jatorri Deituraren araudia betetzen dela egiaztatzen du HAZI Fundazioak, Kontseilu Arautzailearekin koordinatuta, egiaztatutako kontrol-organo gisa. Getariako Txakolina botila bakoitzaren kapsularen gainetik jartzen den Zigilu

Zenbakidunaren bidez identifikatzen da, inskribatutako upeltegi egile bakoitzaren etiketaz gain.