27/07/2026 a las 14:11h.

Eguraldiaren eta itsasoaren baldintzek San Anton inguruko ohiko zeharkaldia egitea galarazi zuen igande honetan beste behin, baina igeriketa saioa egiteko aukera izan zuten partaideak. Malkorben atera eta amaitu zuten, proba ikusgarri batean. Helmugan, Mikel Ugarte (37:54) gizonezkoetan eta Eider Estibariz (42:32) emakumezkoetan izan ziren bizkorrenak. Getariarren artean, Asier Medina (42:37) eta Intza Esteban (46:07) izan ziren onenak.

200dik gora igerilarik parte hartu zuten Getaitrik prestatutako ordezko ibilbidean. Aurtengo edizioan ere, irteera Ama Birjinaren parean eman zuten parte-hartzaileek. Handik Altzako harriraino egin zuten lehen zatia. Ondoren, Zingirako balizaraino jo eta Malkorbe hondartzan lehorreratzeko. Hondarrean metro batzuk korrika egin ostean, berriro itsasoratu ziren, Altzako harriari bira eman eta Malkorben amaitzeko. Ibilbide alternatiboak, ikusgarritasun handiagoa eskaintzeaz gain, erritmo biziko eta lehia estuko lasterketa utzi zuen.