I midten av juni blei det oppdaga avvik i drikkevatnet på sjukehuset under rutinekontrollar.

Sidan då har sjukehuset sett i verk mellombelse tiltak. Pasientane får no drikkevatn frå alternative kjelder.

– Ut på ettersommaren startar vi arbeidet med å gjenopprette normalsituasjonen. Målet er å kome tilbake til normal drift så raskt som mogleg, seier Robert Reed, avdelingssjef for bygg og eigedom i Helse Møre og Romsdal.

Han understrekar at tiltaka er sette i verk etter eit føre-var-prinsipp.

Helse Møre og Romsdal opplyser at arbeidet med å få vassforsyninga tilbake til normal drift har høg prioritet. Samtidig meiner føretaket at det ikkje er formålstenleg å starte prosessen no, sidan situasjonen er stabil og ferieavviklinga er i gang.