Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

media@sputniknews.com

+74956456601

MIA „Rossiya Segodnya“

საქართველო, საქართველოს პრემიერ–მინისტრი, საქართველოს მთავრობა , შემთხვევები საქართველოში, სტიქიური მოვლენები, ახალი ამბები

18:47 13.07.2026 (განახლებულია: 10:06 14.07.2026)

ეთბილისი, 13 ივლისი — Sputnik. თელავში რიგ კომერციულ ობიექტზე მშენებლობის ნებართვა დარღვევებით გაიცა, რამაც სტიქიის შედეგები კიდევ უფრო დაამძიმა, განაცხადა პრემიერ-მინისტრმა ირაკლი კობახიძემ ბრიფინგზე.

12 ივლისს, გამთენიისას, თელავში მოსული უხვი ნალექის შედეგად, მდინარე თელავისხევი კალაპოტიდან გადმოვიდა და ქალაქის რამდენიმე ქუჩა დატბორა. ქალაქის ტერიტორიაზე 57,3 მმ ნალექი დაფიქსირდა, რაც ივლისის თვის ნორმის 85%-ს შეადგენს.

„რაც შეეხება მშენებლობის ნებართვებს, ნამდვილად არასწორად იყო გაცემული, მე ასე მიმაჩნია, თუმცა დანარჩენს, რა თქმა უნდა, შესაბამისი უწყებები დაადგენენ. არასწორად იყო გაცემული ნებართვები რამდენიმე კომერციულ ობიექტზე, რამაც გაამძაფრა ეს პრობლემა. ასეთი მოვლენებისგან მომავალში მაქსიმალურად უნდა იყოს დაზღვეული თითოეული ქალაქი და ყველა ზომა იქნება მიღებული, რათა თელავი მაქსიმალურად იყოს დაცული მომავალში ასეთი ტიპის მოვლენებისგან“, -განაცხადა კობახიძემ.

პრემიერმა მადლობა გადაუხადა ინფრასტრუქტურის სამინისტროს, რეგიონული განვითარების სამინისტროს, სოფლის მეურნეობის სამინისტროს, შსს-სა და საგანგებო სიტუაციების მართვის სამსახურს სტიქიის შედეგების ლიკვიდაციის მიმართულებით აქტიური მუშაობისთვის.

ადრეული გაფრთხილების სისტემების დამონტაჟების გეგმებთან დაკავშირებით დასმულ კითხვაზე პასუხისას კობახიძემ აღნიშნა, რომ ეს პროცესი აქტიურად მიმდინარეობს, განსაკუთრებით ბოლო ორი წლის განმავლობაში.

„არა მარტო იგეგმება, არამედ აქტიურად გრძელდება ეს პროცესი აბსოლუტურად ყველა რეგიონში. ეს არის პროცესი, რომელიც ძალიან აქტიურად წარიმართება, განსაკუთრებით ბოლო ორი წლის განმავლობაში და ამის თაობაზე სტატისტიკასაც მუდმივად ვაზიარებთ“, – განაცხადა კობახიძემ.

საქართველოში ბოლო წლებში სტიქიური უბედურებები გახშირდა. 2023 წლის აგვისტოში მაღალმთიან კურორტ შოვში მეწყერის ჩამოწოლის შედეგად 32 ადამიანი დაიღუპა, ხოლო ერთი თვის შემდეგ, იმავე მიზეზით, კიდევ სამი ადამიანი გარდაიცვალა. 2024 წლის 6 და 7 თებერვალს აჭარისა და იმერეთის რეგიონებში მეწყერისა და ზვავის ჩამოწოლას 11 ადამიანი ემსხვერპლა.

საქართველოში მომაკვდინებელი მეწყერის წარმოქმნის მთავარ მიზეზად სპეციალისტები კლიმატის ცვლილებას ასახელებენ.

2018 წელს საქართველოში დაიწყო მასშტაბური შვიდწლიანი პროგრამა, რომელიც კლიმატის ცვლილებით გამოწვეული კატასტროფების რისკების შემცირებისკენ არის მიმართული.

პროგრამა საქართველოს მთავრობამ გაეროს განვითარების პროგრამასთან (UNDP) ერთად, მწვანე კლიმატის ფონდის (GCF) და შვედეთისა და შვეიცარიის მთავრობების ფინანსური მხარდაჭერით აამოქმედა.

პროექტის ბიუჯეტი, რომელიც სხვა ღონისძიებებთან ერთად ადრეული შეტყობინების სისტემის შექმნასაც მოიცავს, 74 მილიონ დოლარს შეადგენს.