Bergarako xake eskolak antolatuta, hemezortzi urtetik beherako gazteen xake txapelketa jokatu zuten egubakoitzean; hamar minutuko partidak, suitzar erara. Azken sailkapenean, Ekaitz Apraiz aretxabaletarra –mutiletan eta orokorrean– eta Bianca Maldonado bergararra –nesken kategorian– hirugarren postuan sailkatu dira, 5,5 eta 3,5 puntu lortuta. Julen Larragañaga oñatiarra, berriz, bosgarren, bost punturekin. Lehen bergararrak, Hodei Iturrospe eta Ekain Sanchez izan dira, biek puntu kopuru bera lortuta, 4,5. Durangokoa eta Azkoitikoa ziren lehen bi sailkatuak. Zarauzko, Legazpiko eta Madrileko parte-hartzaileak ere egon dira.

Bergarako Bolua auzoan ospatzen ari diren Santa Ana jaien barruan egin dute xake txapelketa.