Просмотр новости
Найдите то, что Вас интересует
Спутники
РН
SpaceX
Роскосмос
NASA
СпутникиРНSpaceXРоскосмосNASAWashington, D.C. — Sangano rinobatsira nechikafu pasi rose reWorld Food Program, WFP, rinoti Zimbabwe inogona kunge yatarisana nerimwe dambudziko rekusanaya zvakanaka kwemvura mumwaka uno wekurima uchangotanga, izvo zvarinoti zvichatowedzera dambudziko renzara ragara ririmo nechakare munyika.
Mutauriri weWFP mudunhu rekuchamhembe kweAfrica, VaTomson Phiri, vakaudza nhepfenyuro yeDW AfricaLink kuti munguva ino varimi vanofanirwa kunge vatove pakati pekudyara nekusakura asi muminda hamuna chati chavemo.
VaPhiri vakati nekuda kwenzara iri munyika pari zvino, sangano ravo pamwe nemamwe masangano anobatsira ari kuita zvose zvaanogona kuunganidza mari yekutengera chikafu vanhu vari kuda rubatsiro.
Vanoti sangano ravo reWFP richamanikidzwa kungoendesa rubatsiro kuvanhu vave kuziya nenzara richisiya vanhu vane nzara asi vasati vave kuziya.
Nyanzvi munyaya dzechikafu uye vakambotungamira sangano reChristian Care, Mufundisi Forbes Matonga vanoti nyika yakasya mvura mumwana uno dambudziko renzara richawedzera zvekudzoka pamakore 1982 na1992 apo pakafa zvipfuwo zvakawanda nekushaya rufuro nemvura.
“Saka vanhu vanga vaita hope kuti iyi iri kunzi Cyclone Chido iyi dai yanga yaunza mvura yakawanda yekungoti at least hova nematsime akwanise kunge anga ave nemvura. Zvino sekutaurwa kwanoitwa kuti zvinoita sekunge kune drought, haa, cylone iyi haina kusimba sematarisirwo azvinofanirwa kuti zviite,”
Mufundisi Matonga vanoti rimwe dambudziko nnderekuti mari yakakumbirwa nehurumende yekuti ikwanise kutenga chikafu chekupa vanhu haina kusvika paitarisirwa.
WFP inoti vanhu vanosvika kumamiriyoni matanhatu vanotarisana nedambudziko gukutu renzara munguva yekuoma kwezvinhu mumwaka wa2024/2025, kana kuti lean season, inove pakati pemwedzi yaNdira naKurume 2025.
Washington, D.C. —
Sangano rinobatsira nechikafu pasi rose reWorld Food Program, WFP, rinoti Zimbabwe inogona kunge yatarisana nerimwe dambudziko rekusanaya zvakanaka kwemvura mumwaka uno wekurima uchangotanga, izvo zvarinoti zvichatowedzera dambudziko renzara ragara ririmo nechakare munyika.
Mutauriri weWFP mudunhu rekuchamhembe kweAfrica, VaTomson Phiri, vakaudza nhepfenyuro yeDW AfricaLink kuti munguva ino varimi vanofanirwa kunge vatove pakati pekudyara nekusakura asi muminda hamuna chati chavemo.
VaPhiri vakati nekuda kwenzara iri munyika pari zvino, sangano ravo pamwe nemamwe masangano anobatsira ari kuita zvose zvaanogona kuunganidza mari yekutengera chikafu vanhu vari kuda rubatsiro.
Vanoti sangano ravo reWFP richamanikidzwa kungoendesa rubatsiro kuvanhu vave kuziya nenzara richisiya vanhu vane nzara asi vasati vave kuziya.
Nyanzvi munyaya dzechikafu uye vakambotungamira sangano reChristian Care, Mufundisi Forbes Matonga vanoti nyika yakasya mvura mumwana uno dambudziko renzara richawedzera zvekudzoka pamakore 1982 na1992 apo pakafa zvipfuwo zvakawanda nekushaya rufuro nemvura.
“Saka vanhu vanga vaita hope kuti iyi iri kunzi Cyclone Chido iyi dai yanga yaunza mvura yakawanda yekungoti at least hova nematsime akwanise kunge anga ave nemvura. Zvino sekutaurwa kwanoitwa kuti zvinoita sekunge kune drought, haa, cylone iyi haina kusimba sematarisirwo azvinofanirwa kuti zviite,”
Mufundisi Matonga vanoti rimwe dambudziko nnderekuti mari yakakumbirwa nehurumende yekuti ikwanise kutenga chikafu chekupa vanhu haina kusvika paitarisirwa.
WFP inoti vanhu vanosvika kumamiriyoni matanhatu vanotarisana nedambudziko gukutu renzara munguva yekuoma kwezvinhu mumwaka wa2024/2025, kana kuti lean season, inove pakati pemwedzi yaNdira naKurume 2025.